Yahoo拍賣（雅虎拍賣）係日本歷史最悠久嘅拍賣平台之一，商品種類多、價錢通常比Mercari更抵，特別啱買中古相機、名牌手袋、模型精品等。不過拍賣制度同一般網購唔同，新手容易搞唔清楚。
咩係「一口價」同「封頂代標」？
Yahoo拍賣入面，賣家可以設「一口價」（即刻用呢個價買到）；亦有唔少商品要出價競投，最高出價者得標。「封頂代標」即係你話俾代購公司知你願意出嘅最高價，代購公司會用系統喺截標前自動幫你出價，唔使成日盯住個拍賣頁面。
出價流程
- 揀好心水商品，將連結傳俾代購公司。
- 代購公司幫你check賣家評價同商品狀態，回覆建議出價範圍。
- 你話俾代購公司知封頂價，佢哋會幫你設定代標。
- 截標後如果得標，代購公司代你完成付款、收貨、驗貨，再安排送嚟香港/澳門。
出價要留意咩？
- 封頂價唔好定得太保守，熱門商品競爭激烈，出得太低隨時落空。
- 但都唔好盲目加價，代購公司可以根據過往成交價俾你參考。
- 得標後如果對商品狀態有爭議，要盡快同代購公司反映，方便同賣家跟進。
透過Jpeasylink代標嘅好處
Jpeasylink支援Yahoo拍賣一口價同封頂代標服務，團隊熟悉日本拍賣文化，可以幫你評估合理出價，唔使因為唔識日文或者唔識規則而錯失心水貨品。立即申請代標查詢。